a4.11 Te 2.19-20
b4.3Sng 69.28, Lu 10.20, KTH 3.5, 20.12
c4.4Ro 12.12, Fl 3.1, 1 Te 5.16, 1 Pi 4.13
d4.5Hi 10.25, 10.37, Je 5.8-9, 1 Pi 4.7, 2 Pi 3.8
e4.6Snd 16.3, Mt 6.25-34, Lu 12.22-31, Kl 4.2, 1 Pi 5.7
f4.7Ais 26.3, Jo 14.27, Ro 5.1, Kl 3.15
g4.8Ro 12.17
h4.9Ro 16.20, 1 Ko 14.33, Fl 3.17, 1 Te 5.23, Hi 13.20
i4.111 Ti 6.6-8
j4.121 Ko 4.11, 2 Ko 6.10, 11.27
k4.13Jo 15.5, 2 Ko 12.9-10, 2 Ti 4.17
l4.15-162 Ko 11.9
m4.16Ap 17.1
n4.18Kis 29.18, Ese 20.41, 2 Ko 9.12, Ef 5.2, Fl 2.25, Hi 13.16
o4.19Sng 23.1, 2 Ko 9.8, Ef 1.7
p4.20Ro 16.27, Ga 1.5
q4.22Fl 1.13

Philippians 4

Yumi mas wanbel na amamas na kisim gutpela tingting

1Olsem a na, ol brata bilong mi, yupela i mas sanap strong long Bikpela, olsem mi tok. Mi save givim bel bilong mi long yupela, na mi wari tru long yupela. Yupela i stap olsem gutpela prais mi bin wok strong long kisim, na mi save amamas moa yet long yupela.

 2Yuodia na Sintike, yutupela harim. Yutupela meri wantaim i bilong lain bilong Bikpela, olsem na yutupela i mas kamap wanbel. 3Na b yu, wanwok tru bilong mi, mi tokim yu, yu mas helpim dispela tupela meri. Tupela i bin poroman gut wantaim mi long wok bilong autim gutnius. Na Klemen na ol arapela wanwok bilong mi, ol tu i bin wok wantaim mipela. Nem bilong olgeta dispela lain i stap long buk bilong laip.

 4Oltaim c yupela i mas amamas long Bikpela. Mi tok gen, yupela i mas amamas.

 5Yupela d i mas isi isi long olgeta man na larim ol i lukim dispela gutpela pasin bilong yupela. Tingim. Klostu nau Bikpela bai i kam. 6Yupela e i no ken wari long wanpela samting. Nogat. Oltaim yupela i mas tokim God long olgeta hevi bilong yupela. Yupela i mas prea long God na tok tenkyu long em, na askim em long helpim yupela. 7Bel f isi God i save givim yumi, em i gutpela samting tru, na yumi man i no inap tru long save long as bilong en. Orait God bai i mekim yupela i stap bel isi tru, na long dispela pasin yupela bai i pas gut wantaim Krais Jisas, na bel na tingting bilong yupela bai i stap gut tru.

 8Ol g brata, mi laik mekim wanpela tok moa. Oltaim yupela i mas tingting tasol long ol pasin i tru na ol pasin i gutpela long ol man i mekim na ol stretpela pasin na ol klinpela pasin na ol naispela samting na ol samting i gutpela tru na olgeta pasin i nambawan tru na olgeta pasin yumi save amamas tru long lukim ol man i mekim. 9Olgeta h pasin mi bin skulim yupela long mekim na yupela i save gut long ol, na olgeta pasin yupela i bin harim mi i autim tok long ol na yupela i bin lukim mi i mekim, dispela olgeta pasin yupela i mas mekim oltaim. Na God, em i as bilong pasin bilong bel isi, em bai i stap wantaim yupela.

Pol i amamas long ol Filipai i bin salim ol presen i kam long em

10Nau yupela i bin kirapim tingting gen long helpim mi, olsem na mi amamas tru long Bikpela. Tru, bipo yupela i bin tingting long mi, tasol yupela i no gat rot bilong helpim mi. 11Mi i no sot long ol samting na mi mekim dispela tok. Nogat. Mi save pinis long pasin bilong i stap isi, maski wanem kain samting i kamap long mi. 12Maski j mi stap rabis tru o mi gat planti samting, mi save stap isi tasol. Mi save pinis long pasin bilong i stap isi, maski mi gat planti kaikai o mi stap hangre, na maski mi gat planti samting o mi sot long ol samting. Olgeta kain samting i ken kamap long mi, na mi save stap isi yet na belgut tasol. 13Krais k i save strongim mi, na long strong bilong em mi inap mekim olgeta samting.

 14Mi tok olsem mi amamas long pasin yupela i mekim bilong helpim mi, long wanem, yupela i bin ting long poromanim mi long taim mi karim hevi, na yupela i bin mekim dispela gutpela pasin. 15Na l yupela manmeri bilong Filipai, yupela yet i save olsem, taim mi statim wok bilong autim gutnius, na mi lusim provins Masedonia, i no gat narapela sios i bin poroman wantaim mi long pasin bilong givim ol mani samting bilong helpim mi. Nogat. Yupela tasol i bin mekim olsem. 16Taim m mi bin i stap long taun Tesalonaika, yupela i bin helpim mi planti taim liklik. 17Yupela i no ken ting mi askim yupela long givim ol presen long mi. Nogat. Mi laik bai gutpela pasin bilong yupela i ken kamap moa yet, na bai God i ken mekim gut long yupela. 18Tasol n sapos yupela i ting yupela i bin dinau long mi long wanpela samting, orait nau mi raitim dispela tok bilong tokaut klia olsem mi kisim pinis olgeta samting yupela i bin dinau long en. Ol samting yupela i salim i kam i winim mak bilong olgeta dinau. Na taim mi kisim ol dispela presen Epafroditus i bin karim i kam, mi pilim olsem mi pulap tru. Dispela presen bilong yupela em i olsem ofa i gat gutpela smel, em yupela i givim long God. God i save amamas tru long kisim dispela kain ofa. 19God o bilong mi em i makim olgeta kain gutpela gutpela samting bilong yumi ol manmeri bilong Krais Jisas. Olsem na em bai inapim tru olgeta samting yupela i sot long en. 20God p em i God na Papa bilong yumi, na yumi mas litimapim nem bilong em oltaim oltaim. I tru.

Pol i tok gude long ol Filipai

21Mi tok gude long olgeta manmeri bilong Krais Jisas. Ol brata i stap wantaim mi, ol i tok gude long yupela. 22Olgeta q manmeri bilong God ol i tok gude long yupela, na ol dispela lain i save mekim wok long haus bilong Sisar, ol i tok strong long mi mas givim gude long yupela.

 23Marimari bilong Bikpela Jisas Krais em i ken i stap wantaim spirit bilong yupela wan wan.
Copyright information for TPI